Një 56-vjeçar shqiptar është arrestuar në Athinë pasi akuzohet për përdhunimin e një vajze të mitur.
Policia Greke ka arrestuar Kozma Dhimitër Papën, 56 vjeç nga fshati Dhrovjan i Bashkisë Finiq pasi sipas Prokurorisë së Posaçme për krimet ndaj të miturve të Athinës, ka patur një denoncim prej të ëmës së viktimës e cila është shtetase shqiptare që çoi në zbardhjen e akteve çnjerëzore që autori kryente me të miturën e datëlindjes së vitit 2008.
Prej verifikimeve rezultoi autori hynte në banesën e viktimës duke shfrytëzuar lidhjen personale me nënën e saj.
Çdo gjë nisi kur e mitura ishte në moshën 8 vjeçare.
Në atë periudhë Papa nisi të abuzojë me të miturën, madje gjatë kësaj periudhe nisën edhe aktet seksuale.
E mitura u tregoi hetuesve gjithçka mbi abuzimin, i cili vazhdonte ende deri para pak ditësh.
Madje, herën e fundit që ata patën një kontakt, ajo ishte detyruar ti dërgojë autorit edhe një foto intime të saj. Ajo tha se kishte frikë ta denonconte pasi shqetësohej për sigurinë e saj dhe të mamasë së saj.
Ka qënë nëna e vajzës që zbuloi rastësisht fotot e vajzës së saj në telefonin e autorit dhe pasi verifikoi vërtetësinë e fakteve, e denoncoi atë në polici dhe prokurori.
Menjëherë ai u arrestua dhe pritet të përballet me vepra të dënueshme të parashikuara në 7 nene të kodit penal për krimet ndaj të miturve nën 14 vjeç.
56-vjeçari do të dërgohet në gjykatë për masë sigurie paraditen e së hënës.
