Partia Demokratike ka bojkotuar gjithë aktivitetin parlamentar gjatë kësaj jave duke munguar edhe në komisione. Kjo për shkak se Byroja përjashtoi Berishën 10 ditë nga Parlamenti. Por sot kemi parë gratë demokrate të marrin pjesë në Konferencën Rajonale të Aleancës së Grave Parlamentare e cila po mbahet në Tiranë.
Majlinda Bregu ka patur edhe një fjalë përshëndetëse në sallën plenare ku zhvilloi punimet kjo konferencë. Opinion.al u interesua dhe mësoi përmes burimeve, se znj. Bregu ka thyer bojkotin e partisë me iniciativën e saj personale. Pra pa marrë leje. Nga ana tjetër deputetja tjetër demokrate Albana Vokshi mësohet se ka marrë leje tek kreu i grupit Paloka për të qenë pjesë e konferencës së deputeteve të rajonit.
Gjithsesi me apo pa leje, dy deputetët e PD janë bërë pjesë e axhendës parlamentare në një kohë kur Partia e tyre ka shpallur bojkotin.
