Rumania është një nga kundërshtarët e Shqipërisë në fazën finale të Europianit. Televizioni Digi Sport intervistoi kuqezinjtë, të cilët luajnë në Francë, Lorik Canën dhe Emir Lenjanin, të cilët thanë se mundësitë janë të hapura për të gjithë.
Lorik Cana – Kapiten i Kombëtares: “Sigurisht që gjithçka është e mundur. Formula parashikon që edhe vendet e treta mund të kualifikohen”.
Ermir Lenjani – Fubollist i Kombëtares: “Mund të ndodhë gjithçka në këtë grup. Kush punonë më shumë, kush vrapon më shumë, kush lufton në shumë, do ta shohim”.
Kapiteni i Kombëtares kujton edhe se pas brezit të artë të viteve 90’, te përfaqësuesja rumune është e vështirë të përsërisësh suksesin e tyre.
Lorik Cana – Kapiten i Kombëtares: “Rumania është një ekip që ka peshën e brezit të artë të Haxhit. Nuk është e lehtë të përsërisësh atë që arriti brezi rumun i viteve 90. Gjithësesi Rumania ka lojtarë të mirë që kanë përvojë, si portieri Tatarusanu dhe e gjithë mbrojtja. Po ashtu Rumania ka edhe lojtarë teknikë, të cilët e përdorin mirë topin dhe çdo ekip që do të përballet me ta do ta ketë të vështirë”.
Shqipëria do të luajë me Rumaninë më 19 Qershor në Lion, që do të jetë edhe ndeshja e fundit për Kombëtaren në grup pas takimeve me Zvicrën e Francën.
Endrit Sauku/Tv Klan
