Kryesore

Përballja me Kazakistanin, Reja: Pres rezultat pozitiv


Bëhu pjesë e Grupit Zyrtar të Opinion.al
>> KËTU <<
               Publikuar në : 23:25 - 10/10/20 |
Opi Nion

Shqipëria pret një kualifikim në transfertë në ndeshjen përballë Kazakistanit, sfidë kjo e vlefshme për Grupin 4 të Ligës C në Nations League. Trajneri Edoardo Reja, në konferencën për shtyp në prag të ndeshjes tha se ndonëse skuadra kuq e zi ka bërë një përgatitje të fortë, do duhet impenjim maksimal.

“Të gjithë duam të kualifikohemi. Jemi përgatitur fort gjatë kësaj jave, pres një rezultat pozitiv”, tha Reja.

Ndërkohë duke vlerësuar ekipin kundërshtar tekniku u shpreh: “Nuk shoh dobësi tek ata, është ekip i organizuar mirë, edhe në mbrojtje. Ka pak pika të dobëta. Kanë 5 mbrojtës dhe 4 mesfushorë dhe është shumë i vështirë t’i çash. Ne do të përpiqemi nga krahët dhe në sulm të shfrytëzojmë rastet tona”.

Në mungesë të Elseid Hysajt, kapiteni i kuqezinjve do të jetë Etrit Berisha.  “Këto ditë që kemi pasur mundësi t’i shohim në video mund të them se kanë një ekip mjaft të mirë sidomos në fazën e sulmit dhe me siguri jemi munduar që të përgatitim sa më mirë për këtë ndeshje”, u shpreh Berisha për skuadrën kundërshtare, ndërsa pohoi se Shqipëria është favorite në grupin e saj

“Shqipëria është favorite në këtë grup, si ti marrim lojtarë për lojtarë ose si skuadra jemi më të mirë’, tha ai.

Ndeshja mes Kazakistanit dhe Shqipërisë do të luhet në orën 15:00 me  orën e vendit tonë./Opinion.al

 

 

Pas