Grupimi më i madh i mbështetësve të Kombëtares “TKZ” ka prezantuar organizimin që do të kenë para dhe përgjatë ndeshjes Kroaci-Shqipëri.
Përmes një postimi në rrjete sociale, ata bëjnë të ditur vendtakimin dhe marshimin për në stadiumin ku do të luhet dueli Kroaci-Shqipëri.
Vendtakimi do të jetë në “Jan-Fedder-Promenade” ku grumbullimi i tifozëve do të nisë nga ora 09:00, ndërsa marshimi për në stadium starton në orën 11:45.
Në Hamburg përllogaritjet tregojnë se 30 mijë kuqezinj do të jenë të pranishëm për të mbështetur djemtë e Silvinjos në Volksparkstadion që ka një kapacitet prej 49 mijë ulësesh.
Ndërkohë mbrëmjen e sotme, në orën 19:30 midis Tifozave Kuq e Zi dhe tifogrupit zyrtar të kombëtares së Kroacisë do të zhvillohet një ndeshje miqësore në “fan zone” e ngritur në Heiligengeisfeld të Hamburgut.
