Për PD-në, dorëheqja e Metës thellon më shumë krizën

Sekretari i Përgjithshëm në Partinë Demokratike, Gazment Bardhi e lexon mesazhin e presidentit Meta si një përpjekje për të zgjidhur krizën politike. Por sipas tij dorëheqja e Metës nuk e zgjidh këtë krizë, por e thellon akoma më shumë.
“ Unë e kam lexuar mesazhin e presidentit Meta si një kontribut për të zgjidhur krizën politike e institucionale ku ndodhet vendi. Dorëheqje e presidentit meta nuk e zgjidh krizën politike dhe institucionale, thjesht do ta thellonte atë edhe më tej”, deklaroi Bardhi në një intervistë për Ora News.
Bardhi ka zbuluar edhe skenarin e protestës së nesërme para parlamentit, duke theksuar se protesta do të jetë e shtrirë në disa zona. Ndërkohë ai nuk konfirmoi pjesëmarrjen e Bashës për shkak të disa takimeve që kryedemokrati po zhvillon në Bruksel, siç informoi më herët dhe Opinion.al.