Një 50-vjeçare është gjetur e vdekur ditën e sotme mbi shinat e trenit në hekurudhën Peqin- Elbasan.
Mësohet se ngjarja ka ndodhur në afërsi të fshatit Lazaren të Peqinit, ndërsa trupi i saj ishte i dëmtuar.
Dyshohet se viktima e identifikuar me inicialet M.B., mund të jetë aksidentuar nga treni që kalon në këtë zonë.
Ndërkohë, policia ka mbërritur në vendngjarje dhe po punon për zbardhjen e plotë rrethanave të vdekjes së 50-vjeçares.
Njoftimi i policisë:
Në aksin hekurudhor Peqin- Elbasan, në afërsi të fshatit Lazaren të Peqinit, është gjetur mbi shinat e trenit e dëmtuar dhe pa shenja jete shtetasja M.B., rreth 50 vjeçe.
Nga hetimet paraprake dyshohet se kjo shtetase mund të jetë aksidentuar nga treni që kalon në këtë zonë.
Grupi hetimor vijon punën për sqarimin e plotë të rrethanave të ngjarjes./ Opinion.al E.Xh.
