Ish-ministrit të Financave Arben Ahmetaj është shprehur se herët apo vonë mes qeverisë dhe opozitës do te këtë një dialog.
“Jam i bindur se ka vend për dialog, ndoshta jo herët, por jo edhe aq vonë, do ketë dialog”,-tha Ahmetaj.
Ai shtoi se kryetari i PD duhet të pranojë dialog, pasi kryeministri Edi Rama nuk do të largohet kur do Basha, por kur duan shqiptarët.
Ish-ministrit të Financave është shprehur se zgjedhjet e 30 qershorit qenë të qeta për shkak se ambasada e SHBA në Tiranë deklaroi se PD do të shpallej organizatë e dhunshme.
“Jam i bindur se ka vend për dialog, ndoshta jo herët, por jo edhe aq vonë, do ketë dialog. Po t’i kthehmi Bashës me akuza të bazuara në dokumennta, Bashaa nuk duhet të ishte asgjëkund. Nëse Basha nuk bën dialog me Kryeministrin legjitim, Rama nuk ikën. Duke folur krimi, droga, i bën krim partisë së vet do gjunjëzojë një popull me dhunë, nuk bën vaki, nuk ikën Rama se do Lul Basha. Kryeministri ynë i ka ftuar nuk i ka fyer as njërin as tjetrin, Basha vetëm akuza dh fyerje. Kryeministri ka bërë debat dhe ironi politike, ama është lutur për dialog dhe lutje të sinqerta madje dhe direkt tha jam gati të dialogoj për të ardhmen e vendit. Në 18 tetor është Këshilli I Ministrave Evropianë do kënaqet, apo do hidhërohet Basha? Të kontribuojë që situata të kthehet në normalitet. Më vjen mirë që 30 qershori kaloi mirë, falenderoj dhe ambasadën e SHBA që bëri që opozita të tërhiqej nga dhuna e cila do kishte reaksion zinxhir për gjithë vendin. PD është kërcënuar nga SHBA që të quhet organizatë e dhunshme në atë logjikë nuk është thjesht presion që nga dalja e sistemit dhe sekuestrim asetesh deri në vendet ku SHBA kanë marrëveshje, përfshi Holandën. 30 qershori shkoi qetësisht, shqiptarët dolën dhe votuan”.
Ahmetajt ka theksuar dhe njëherë se dekreti i presidentit Ilir Meta është anti-kushtetues dhe se për këtë arsye ai do të votojë për shkarkimin e Metës.
“Presidenti ka një pozicion të shfaqur me dekret. Në këndvështrimin tim është antikushtetues në një kohë aspak të kalkuluar politikisht, por në një kohë kaotike. Presidenti ka bërë një veprim politik aspak të duhur”.
I pyetur nëse do votojë për shkarkimin e Metës ai thotë:
“Do votoj për komisionin dhe nëse komisioni vërteton shkelje të kushtetutës patjetër që do votoj”./Opinion.al E.Xh.
