Aktualitet

Peleshi: Është rritur kërkesa për armë, po kontaktojmë investitorë të kthejmë uzinat



Bëhu pjesë e Grupit Zyrtar të Opinion.al
>> KËTU <<
               Publikuar në : 11:49 - 21/08/22 |
Opi Nion

Duke folur për ngjarjen e rëndë në uzinën e armëve në Gramsh, Ministri i Mbrojtjes Niko Peleshi nuk e ka mohuar mundësinë riaktivizimit të industrisë ushtarake në vend.

“Është një uzinë që e ka ndaluar prej vitit 1992 aktivitetin e prodhimit të amëve është në konservim, por vijnë edhe kohëra si këto, kur na duhet të kalojmë nga politika e demilitarizimit në atë të rikthimit dhe pse jo të tërhqejes së investitorëve vendas apo të huaj për t’i riaktivizuar ato industri ushtarake në efiçencë”, tha Peleshi.

I pyetur nga gazetarët, Peleshi mohoi që uzina të mos ketë energji dhe tha se ajo posedohet nga një shoqëri aksionere.

“Industria ushtarake e jona mund të vendoset në efiçencë. Për shkak të agresionit rus në Ukrainë është rritur kërkesa për armatim. Në këto kushte kemi bërë mirë që nuk e kemi shuar përfundimisht industrinë tonë, sepse po mendojmë dhe jemi në kontakte me investitorë vendas dhe të huaj për t’i vendosur në efiçencë”, tha Peleshi./Opinion.al

Pas