Sot është dita e gjashtë e Lëvizjes Studentore. Lëvizja ka ngritur në këmbë të gjithë të rinjtë e të rejat në Tiranë e në rrethe me një listë kërkesash e pakënaqësish të krijuara nga reforma në arsim.
Studentët janë momentalisht të mbledhur para Ministrisë së Arsimit dhe duken të vendosur të mos dialogojnë me qeverinë. Krahas qytetarëve, ka dhe pedagogët që u kanë dalë në krah studentëve. Një ndër ta është dhe pedagogu i Univeristetit të Tiranës, në Fakultetin Ekonomik, Rezart Prifti.
I pritur me brohorima mes studentëve, pedagogu qëndron krah të rinjve dhe tregon mbështetje për ta duke i motivuar.
” Uroj që Fakulteti i Ekonomisë, të ketë përfaqësuesit e vetë ketu, dhe të jeni sa më shumë. Jeni gjenerata e pare qe mendoni ndryshe, mesoni ndryshe, hani e pini ndryshe, motivoheni ndryshe, dhe bashkoheni ndryshe . Ju jeni ndryshe nga gjithe njerezit e dogmatisur qe vine verdalle. ” tha ndër të tjera pedagogu i njohur.
