Partia Demokratike ka reaguar nëpërmjet nënkryetarit të saj Edmond Spaho, në lidhje me zgjedhjet në Akademinë e Shkencave.
Spaho tha se këto zgjedhje janë një lloj atentati ndaj intelektualizmit dhe shkencës. Ato dëshmojën se si injoranca kërkon të marrë pushtetin dhe paralajmëron se e të njejtën gjë do të përpiqet të bëjnë Edi Rama më 30 qershor.
Për nënkryetarin demokrat gjendja është emergjente dhe ka nevojë për një ndërhyrje të menjëhershme. Partia Demokratike shpreh angazhimin se do të përpiqet të garantojë që organet kompetente të hetojnë çdo abuzim, refuzim në bllok të procesit fals dhe kriminal zgjedhor aktual, do të zhbëjë ilegjitimitetin dhe paligjshmërinë e çdo Kryetari dhe të çdo Kryesie të zgjedhur në kundërshtim me ligjin, me përgjegjësinë qeverisëse të fillojë një proces reformimi të vërtetë të Akademisë së Shkencave
Në fund të fjalës së tij Spaho i bëri apel intelektulëve dhe përfaqësuesve të dinjitetit të shkencës që ti bashkoheshin opozitës në misionin e saj për të rikthyer standardet europiane, lirinë, demokracinë dhe shtetin e së drejtës. /Opinion.al
