Aktualitet

PD: Tek infektivi nuk ka më vende bosh dhe është prishur skaneri


Bëhu pjesë e Grupit Zyrtar të Opinion.al
>> KËTU <<
               Publikuar në : 17:33 - 25/10/20 |
Al Do

Partia Demokratike ka denoncuar sot se kapaciteti i spitalit Infektiv është ezauruar dhe se që nga mbrëmë, pacientët e infektuar me COVID-19 janë shtruar në urgjencën e Sanatoriumit bashkë me pacientë të painfektuar.

Në një dalje për mediat nga spitali “Shefqet Ndroqi”, ekspertja e PD për shëndetësinë, Liljana Ramasaçi iu përgjigj ministres Manastirliu, e cila tha sot se spitali Covid 3 është gati dhe se janë hartuar të gjithë skenarët e duhur për të përballuar këtë situatë pandemike.

Ramasaçi akuzon ministren e Shëndetësisë dhe qeverinë për keqmenaxhim të situatës.

Sipas saj, ministrja Manastirliu mbajti të fshehtë faktin se prej ditës së djeshme urgjencat shkojnë të gjitha në spitalin e sanatoriumit dhe shtoi se drejtori i tij është larguar “në drejtim të paditur” në momentet e situatës së emergjencës.

Ramasaçi pohoi gjithashtu se në spitalin infektiv, skaneri është jashtë funksionit.

Kjo nuk është një shenjë e përgatitjes siç pretendon Ministrja e tenderave sekretë dhe e premtimeve boshe. Shtrimi në urgjencë i të sëmurëve me COVID, do të thotë keqmenaxhim i situatës nga Ministrja e Shëndetësisë dhe qeveria e saj. Ky kaos ka në bazë paaftësinë e Ministres së Shëndetësisë dhe të Kryeministrit për të menaxhuar situatën. Problemi i tyre jane zgjedhjet dhe, përmes propagandës së pamëshirshme, kanë vënë në lojë jetën dhe shëndetin e qytetarëve. Gjobat për maskat nuk janë masë që parandalojne virusin apo e kurojne atë. I bejme thirrje perseri per zbatimin e masave te propozuara nga kreu i opozitës. Nëse jo për të gjitha fushat, të paktën për shëndetësinë! Jeta dhe shëndeti i qytetarëve vlen më shumë se karrigia e Kryeministrit dhe Ministres së Shëndetësisë!”, përfundoi deklaratën e saj ekspertja e PD për shëndetësinë. /Opinion.al

Pas