Duke e cilësuar një përdorim të krizës për pushtet, Partia Demokratike ka publikuar sot përgjigjen e kompanisë celulare, lidhur me mesazhin që u dërgua në një studio televizive, në emër të kreut demokrat Basha.
Në shkresën zyrtare, e cila është bërë publike nga Gazmend Bardhi thuhet se mesazhi është origjinuar nga një platformë e huaj SMS në internet dhe nuk është gjeneruar nga Basha, si klient i kësaj kompanie telefonike.
“E vërteta është më e qartë dhe e pastër se çdo lojë e pisët apo maskë e skaduar. Le ta shohin dhe gjykojnë vetë shqiptarët se kush e ka mendjen tek pushteti dhe përdor mesazhe të sajuara kundër kreut të opozitës. Me qëllimin e vetëm, të largojë vëmendjen nga propozimi ynë që ndihmon realisht qytetarët dhe biznesin për të përballuar krizën”, shkruan Gazmend Bardhi në shënimin që shoqëron publikimin e tij në FB./Opinion.al
