Grupi parlamentar i Partisë Demokratike ka miratuar nismën e tij për votën e emigranteve.
Pas mbledhjes së grupit parlamentar, Gazment Bardhi tha se vendimi i Gjykatës Kushtetuese është prioritet për opozitën, e cila ka adresuar edhe zgjidhjet në draftin e saj.
“Grupi parlamentar ka miratuar propozimet e kolegëve që janë pjesë, përfaqësues të opozitës në grupin e dialogut sa i takon reformës zgjedhore. Në fokus diskutimet ishte pa diskutim depozitimi i propozimeve tona ligjore sa i takon zbatimit të vendimit të Gjykatës Kushtetues për votën e shtetasve shqiptarë që jetojnë jashtë. Ajo ka mbështetjen e grupit parlamentar të PD dhe besojmë që zgjidhja që kanë dhënë përfaqësuesit tanë ëshë më e mira dhe që siguron votë për secilin shqiptar që jeton jashtë territorit të Shqipërisë”, tha Bardhi për gazetarët.
