Partia Demokratike ka akuzar kryebashkiakun, Erion Veliaj se po shfrytëzon planet e rindërtimit për të betonizuar më tej Tiranën.
Zyrtari i Partisë Demokratike Ndriçim Mehmeti, deklaroi se Veliaj ashtu sikur bëri me sheshin e Teatrit Kombëtar, po kërkon të betonizojë kryeqytetin edhe në një tjetër hapësirë.
Ai tha se ‘Kopshti 42’ ishte vënë në listën e Këshillit Bashkiak për t’u shkatërruar, pasi u dëmtua nga tërmeti i 26 nëntorit, por nuk është vënë në listë për t’u rindërtuar.
“Jemi në “Kopshtin 42” në Tiranë i cili siç e shikoni, është tërësisht i shkatërruar. Ky kopësht ishte vënë në listën e Këshillit Bashkiak për t’u shkatërruar, por nuk është vënë në listë për t’u rindërtuar.
Ky kopësht u dëmtua nga tërmeti i 26 nëntorit, por nuk kemi ende një raport të plotë se sa është dëmi i tij. Vetëm dimë që ky kopësht është i shkatërruar dhe nuk është më në listën e rindërtimit dhe nuk ka ndërmend të vihet, sepse siç e shikoni, pamja dhe vëndi ku ai është është një vend i lakmuar për biznesin e ndërtimit.
Siç duket Kryetari i Bashkisë, z.Veliaj, kërkon të betonizojë Tiranën, edhe përmes këtij kopshti, siç bëri me sheshin e Teatrit Kombëtar. E njëjta gjë mund të ndodhë edhe me këtë kopësht. Një komunitet i tërë duhet të kenë strehën e tyre për t’u edukuar, por tashmë e kanë humbur.
Ne do të kemi më pak kapacitete të cilat do të jenë në shërbim të fëmijëve dhe të komunitetit dhe më shumë hapësirë për ndërtim. Partia Demokratike denoncon këtë skandal i cili bëhet në mes të ditës në një nga qendrat më të frekuentuara të Tiranës, të mbipopulluara e c ila i shërben aferës së rradhës korruptive të qeverisë dhe kryetarit të Bashkisë z.Erjon Veliaj‘, u shpreh ai.
Kopshti 42 në Tiranë ndodhej në rrugën ‘Nikolla Tupe’, në zonën e ish-Bllokut./Opinion.al
