“Ka skaduar afati i listave, pas kësaj date askush nuk regjistron më”, kështu ka deklaruar përfaqësuesi demokrat Oerd Bylykbashi, lidhur me regjistrimin e kandidatëve në KQZ për procesin zgjedhor.
“Kodi Zgjedhor është i qartë, listat e kandidatëve, partive, regjistrohen jo më vonë se 50 ditë para datës së zgjedhjeve. Data e zgjedhjeve është e dekretuar tashmë, 18 qershor, pra cdo regjistrim gjatë ditës së sotme i paligjshëm” u shpreh Bylykbashi. Sipas tij, KQZ nuk ka asnjë mundësi ligjore të regjistrojë më lista. “Nëse e bën është duke shkelur ligjin, nuk ka mundësi për të ndryshuar kodin zgjedhor dhe ligjin”theksoi ai.
Sipas këtij argumenti të Bylykbashit dhënë sot në një dalje për mediat, as PS dhe as LSI nuk mund të regjistrojnë dot listat e kandidatëve për deputetë sot në Komisionin Qendror të Zgjedhjeve.
