TIRANE- Para Parlamentit sot protestojnë vetëm të rinjtë. Kështu ka vendosur ta mbyllë PD-ja axhendën e protestave për këtë vit, për tu rikthyer në janarin e 2016-es me një tjetër aksion.
“Ne protestojmë se nuk jemi dakord me vëllezërit dhe motrat tona që jo për fajin e tyre, nuk shohin më shpresë dhe po marrin rrugët ku të munden. Ne sot nuk mund të mjaftohemi duke thënë se këtu nuk ka më shpresë, perkundrazi ne vetë duhet të fillojmë të ndezim dritën e shpresës, sëpari duke reaguar ndaj keqqeverisjes”, tha dje Julian Deda, aktor humori dhe aktivist i PD-se.
“Kemi vetëm dy rrugë: Ose do rrimë me duar ne xhepa e të mallkojmë kafeneve, ose të ngrihemi dhe me energjinë tonë të sjellim ndryshimin.
O sot o kurrë”, tha ai.
Të rinjtë që sapo kanë filluar të mblidhen para parlamentit kanë premtuar supriza.
Opinion.al do ta ndjekë në dinamikë këtë proteste, për t’ju informuar në kohë reale.
