Partia Demokratike ka reaguar pas deklaratave të ish-kryeministrit, Sali Berisha, i cili para Kuvendit tha se Basha, në dy fjalë tre i ka gënjeshtra. Për koalicionin mes LSI dhe lëvizjes së ish-kryeministrit Berisha në 6 Mars, PD thotë se kandidatet e shtëpisë së Ilirit nuk mund të përfaqësojnë kurrë demokratët.
Më tej në reagim PD thotë se Berisha u strehua tek Meta për t’u mbrojtur nga Non-Grata, ndërsa Meta kërkon të përdorë demokratët për të rritur pazarin tek Rama siç bëri në 2013-ën.
“Kandidatet e Shtëpisë së Ilirit, nuk mund të përfaqësojnë kurrë demokratët. Berisha u strehua tek Meta për t’u mbrojtur nga Non-Grata, Meta kërkon të përdorë demokratët për të rritur pazarin tek Rama siç bëri në 2013-ën. Të zgjedhësh Berishën e Metën, mban Ramën”, thotë PD.
