Edhe pse për pak kohë vendi do të shkojë drejt zgjedhjeve lokale, PD vijon të jetë e përçarë, një pjesë drejtohet nga Sali Berisha dhe pjesa tjetër nga Enkelejd Alibeaj.
Në një konferencë për media, Alibeaj theksoi se demokratët duhet të bashkohen për zgjedhjet e 14 majit, teksa deklaroi se me Sali Berishën nuk ka asnjë personale.
Duke folur për kolicionin “Bashkë fitojmë”, ai u shpreh se të marrësh demokratë dhe t’i çosh në një parti që nuk ka këtë logo apo ngjyrë sipas rregullave të statutit është e papajtueshme me pozicionin dhe qëndrimin e PD-së.
“Të marrësh demokratë dhe t’i çosh në një parti që nuk ka këtë logo apo ngjyrë, unë besoj se sipas rregullave të statutit është e papajtueshme me pozicionin dhe qëndrimin e PD-së. Unë e kam bërë të qartë për Berishën, nuk është çështje personale, por qartësisht e identitetit të PD-së. PD është themeluar si parti pro-perëndimore, marrëdhëniet me SHBA dhe MB janë në thelbin dhe AND-në e kësaj partie. Relatat apo aleanca e kësaj partie me to janë më shumë se të shenjta. Kemi bërë maksimumin, përtej çdo durimi që është i justifikueshëm për të pasur një kandidat të demokratëve dhe më gjerë se kaq. Një kandidat fitues me moral ku të bashkohen ata që duan ta shohin regjimin e Edi Ramës në një kufi, është e qartë për gjithsecilin prej nesh”,-tha Alibeaj./Opinion.al
