Partia Demokratike në Shqipëri është e para që reagon për ngjarjen e rëndë në Maqedoni, ku u vra një fëmijë 4 vjeç për motive etnike. Të bëhet drejtësi, thonë PD, në mënyrë që Maqedonia të ketë stabilitet.
“PD dënon me forcë ngjarjen e rëndë në Kumanovë të Maqedonisë, ku një qytetar ka perplasur me paramendim me makinë një familje shqiptare atje ku si pasojë mbeti i vdekur Almiri 4 vjeçar. Ky është një krim i shëmtuar cnjerëzor, dhe Partia Demokratike gjendet sot pranë familjarëve të Almirit, të afërmve dhe miqve, duke shprehur ngushëllimet më të sinqerta. Ky krim që ka tronditur Maqedoninë e më gjërë, meriton të ndëshkohet nga drejtësia. Ligji duhet të funksionojë me ashpersi, për të mos lejuar që ngjarje të tilla të përsëriten. Partia Demokratike pret dhe kërkon drejtësi, drejtësi shembullore që ti shërbejë Maqedonisë dhe stabilitetit atje”, thuhet në deklatarë.
