Keshilli Bashkiak në Fier është i vetmi që nuk është konstituuar megjithë kanë kaluar të gjitha afatet ligjore. Zyrtarisht nuk dihen arsyet, por socialistë e demokratë mendojnë se shkak janë pazaret politike midis PS-së dhe LSI-së.
Po thyen një tjetër rekord. Këshilli i ri qarkut të Fierit i dalë nga zgjedhjet e 21 qershorit, zyrtarisht nuk ekziston. Eshtë i vetmi këshill që nuk është konstituuar.
Demokratët që u akuzuan nga PS si shkelës të ligjit sot duken se kanë një alibi të fortë. PS dhe LSI po bëjnë të njëjtën shkelje, por këtë herë shkak janë pazaret mes tyre.
Teknikisht dhe ligjërisht nuk ka asnjë arsye për këtë vonesë. Por për ish deputetin socialist nazmir bilani pazari në politikë është arsye e fortë dhe e mjaftueshme për këtë situatë.
Në këtë klimë pazaresh është edhe zgjedhja e administratorëve për ish komunat të cilët nuk janë emëruar ende sepse PS nuk pranon t.i lërë LSI-së tre nga 9 administratorët vendorë.
Afati i fundit për thirrjen e mbledhjes së konstituiimit ishte 20 nëntori. Në këto kushte kryetari i mëparshëm është pa mandat dhe në shkelje të ligjit. Nga zgjedhjet e 21 qershorit koalicioni i majtë ka 29 anëtarë dhe 1 anetar nga e djathta.
PS me 18 anëtarë përbën më shumë se një të tretën e këshillit aq sa sipas ligjit mjafton për të thirrur mbledhjen e parë gjë që nuk ka ndodhur edhe pse kanë skaduar të gjitha afatet ligjore.
