Aktualitet

Pavarësia e Kosovës/ Meta:Mirënjohje heronjve, Basha:Të ecim vllazërisht përpara



Bëhu pjesë e Grupit Zyrtar të Opinion.al
>> KËTU <<
               Publikuar në : 09:04 - 17/02/22 |
Opi Nion

Presidenti Ilir Meta dhe kreu i PD, Lulzim Basha kanë uruar mëngjesin e sotëm 14-vjetorin e Pavarësisë së Kosovës.

Përmes një statusi në rrjetet sociale, kreu i shtetit ka shprehur vlerësimet për luftëtarët dhe dëshmorët që kanë luftuar për Pavarësinë e Kosovës.

“Gëzuar Kosovë e dashur! Mirënjohje përjetë Heronjve, Dëshmorëve, luftëtarëve dhe etërve të Pavarësisë së Kosovës! Gjithmonë krah njëra-tjetrës”, ka shkruar Presidenti Ilir Meta.

Ndërkohë kreu i PD, Lulzim Basha shkruan se kjo ëndërr e bukur lirie, është sot demokracia më e gjallë e rajonit.

Gëzuar Pavarësinë Kosovë! Gëzuar këtë ditë fatlume shqiptarëve kudo në botë. Në përvjetorin e 14-të të shtetit të Kosovës, përulemi me nderim dhe mirënjohje para Presidentit Ibrahim Rugova, Komandantit Legjendar Adem Jashari, luftëtarëve të Ushtrisë Çlirimtare të Kosovës, veprimtarëve, patriotëve, bijëve dhe bijave të kombit tonë që kanë kryer sakrificën më sublime për pavarësinë. Kjo ëndërr e bukur lirie, është sot demokracia më e gjallë e rajonit që, pavarësisht vështirësive, gëzon tashmë rrënjët e forta të një shteti me institucione të konsoliduara dhe stabilitet politik, i cili punon me vullnet dhe përkushtim të jashtëzakonshëm për integrimin euroatlantik. Edhe në këto kohë sfiduese, jam krenar për arritjet e deritanishme dhe shpresëplotë për të ardhmen e Kosovës, me të cilën do të ecim vllazërisht përpara, drejt fatit tonë europian. Gëzuar Kosovë e dashur! “, shkruan Basha.

Pas