Gjykata e Lartë e Spanjës dënoi nëntë liderë separatistë katalanas me 9 deri në 13 vjet burg për rolin e tyre në tentativën e dështuar për pavarësi të rajonit në vitin 2017.
Tre të pandehur të tjerë u shpallën fajtorë vetëm për mosbindje dhe nuk u dënuan me burg.
Akuzat të gjitha lidhen me referendumin e pavarësisë të mbajtur në Katalonjë më 1 tetor 2017. Votimi u shpall i paligjshëm nga qeveria spanjolle, e cila veproi menjëherë për të ndëshkuar ata që u përfshinë.
Ish nënkryetari i Katalonjës dhe kreu i partisë pro-pavarësisë Esquerra Republicana, Oriol Junqueras, mori dënimin më të ashpër: 13 vjet për kryengritje dhe keqpërdorim të fondeve publike.
Udhëheqësi i burgosur katalanas i tha në fillim të këtij viti se ai kurrë nuk do të hiqte dorë nga vetëvendosja për rajonin katalunas të Spanjës.
Gjyqi i profilit të lartë filloi në shkurt dhe në të dëshmuan më shumë se 300 dëshmitarë.
Disa separatistë katalanas kanë akuzuar gjykatat e vendit se janë ndikuar shumë nga politikanët.
Vendimi i Gjykatës Supreme parashikohet se do të ankimohet në Gjykatën Kushtetuese dhe më pas në Gjykatën Evropiane të Drejtave të Njeriut në Strasburg. /Opinion.al
⬛⬜ Les Assemblees Exteriors de l’Assemblea convoquen prop de trenta mobilitzacions a l’estranger contra la sentència, seran en punts emblemàtics de grans ciutats com Washington, Brussel·les, Londres i Berlín, entre d’altres. #ObjectiuIndependència ?https://t.co/H5ue0NgEzh pic.twitter.com/7dggXYvMkB
— Assemblea Nacional ? (@assemblea) October 13, 2019
