Ish-deputeti i Partisë Demokratike, Astrit Patozi, i cili u la jashtë listave të 25 qershorit, ka reaguar mbi debatet në mbledhjen e djeshme të Kryesisë. Në një deklaratë për mediat, Patozi shprehet se mbledhja e Kryesisë së PD ishte pasqyrë e shëmtuar e degradimit të kësaj force politike.
“Mbledhja ishte pasqyrë e shëmtuar e degradimit të PD. Cilësia dhe përmbajtja e debatit është problemi. Basha tregoi se ka mentalitet bolshevik”, u shpreh Patozi.
Ai thotë se janë të shumtë demokratët që duan parti tjetër demokratike.
“Dje u la të kuptohet se nuk është problem as kryetari i partisë dhe as lidershipi, por anëtarët.
Ne do t’i imponohemi me forcën tonë, kam bindjen se demokratët janë të shumtë që duam një parti tjetër demokratike. Ne do imponohemi me presion që anëtarësia e PD do e detyrojë zotin Basha të mbajë një qëndrim tjetër”, u shpreh Patozi.
