Një studim i ri nga MIT Media Lab në bashkëpunim me kompaninë OpenAI zbulon pasojat shqetësuese të përdorimit të tepruar të inteligjencës artificiale.
Kërkuesit ndoqën rreth 1000 persona për katër javë dhe zbuluan se përdoruesit që mbështeten shpesh në ChatGPT për gjenerimin e ideve dhe zgjidhjen e problemeve mund të zhvillojnë një varësi emocionale ndaj kësaj technologie. Sipas kërkuesve, përdoruesit që përdorin shpesh ChatGPT për biseda të paindividualizuara, përfshirë kërkimin e këshillave, shpjegime konceptuale dhe ndihmë për krijimin e ideve që është një nga mënyrat më të shpeshta të përdorimit kanë më shumë gjasa të bëhen emocionalisht të varur nga kjo teknologji.
Veçanërisht shqetësuese është që këta përdorues shpesh zhvillojnë përdorim problematik, të cilin kërkuesit e përkufizojnë si sjellje varësie dhe kompulsive që çon në pasoja negative për mirëqenien fizike dhe psikososiale. Këta përdorues gjithashtu janë më të prirur të shohin ChatGPT si një mik, kanë një nivel të lartë besimi tek ai dhe besojnë se chatbot-i kujdeset për emocionet e tyre. Autori i studimit theksojnë se kërkimet e ardhshme mund të shqyrtojnë nëse kjo çon në një lloj varësie kognitive, ku përdoruesit mbështeten gjithnjë e më shumë në sistemet AI për marrjen e vendimeve dhe zgjidhjen e problemeve, që potencialisht çon në humbjen e pavarësisë dhe besimit në vendimet e tyre.
Megjithëse ndër kërkuesit e AI ekziston besimi se teknologjia do të përmirësojë, e jo të zëvendësojë punonjësit njerëzorë, gara për pranimin e inteligjencës artificiale krijon një dilemë të tillë. Punonjësit frikësohen se do të mbesin pas kolegëve nëse nuk përdorin teknologjinë mjaftueshëm, por nëse e përdorin shumë, rrezikojnë të humbasin ndjenjën e identitetit të tyre. Idealja do të ishte të arrihej një balancë mes krijimtarisë njerëzore dhe inteligjencës artificiale, e cila do të prodhonte diçka më të madhe se shuma e pjesëve të saj. Megjithatë, ky studim tregon qartë se moderimi mbetet një virtyt edhe në epokën e inteligjencës artificiale. Një norvegjez ka paraqitur një ankesë pasi ChatGPT i tha në mënyrë të rreme se kishte vrarë dy nga djemtë e tij dhe ishte burgosur për 21 vjet. Arve Hjalmar Holmen ka kontaktuar Autoritetin Norvegjez të Mbrojtjes së të Dhënave dhe ka kërkuar që krijuesi i chatbot-it, OpenAI, të gjobitet. Holmen thotë se kjo është shumë e dëmshme për të./ TAR
