Pashkët Ortodokse kanë sjell fluks të lartë lëvizjesh këtë fundjavë në hyrje dhe dalje të pikës së kalimit kufitar të Kapshticës. Vetëm paraditen e sotme kanë dalë drejt vendit fqinj më shumë se 3000 persona ndërkohë që një ditë më parë nga kjo pikë kufitare nga Greqia në drejtim të Shqipërisë kanë hyrë 7 mijë persona dhe kanë dalë 3 mijë 274 persona.
Numri në rritje gjatë dy ditëve të fundit në dalje sipas autoriteteve tona doganore ka ardhur për shkak se shqiptarët do të festojnë Pashkën në Greqi.
Për të përballuar fluksin në rritje policia kufitare e Kapshticës ka shtuar numrin e sporteleve duke e çuar në 5 ndërkohë në hyrje të tokës shqiptare punojnë 3 sportele.
