Kasti i Friends ka reaguar pas humbjes së aktorit Matthew Perry, i cili vdiq të shtunën në moshën 54-vjeçare.
Në një deklaratë të përbashkët, Jennifer Aniston, Courteney Cox, Matt LeBlanc, David Schëimmer dhe Lisa Kudrow thanë se vdekja e aktorit ishte një “humbje e paimagjinueshme”.
“Ne jemi të gjithë shumë të shkatërruar nga humbja e Matthew. Ne ishim më shumë sesa thjesht shokë. Ne jemi nje familje. Ka kaq shumë për të thënë, por tani jemi të shkatërruar nga kjo humbje. Tani për tani, mendimet dhe dashuria jonë janë me familjen e Matty, miqtë e tij dhe të gjithë ata që e donin atë në mbarë botën”-thanë ata.
Aktori i “Friends” thuhet se u gjet pa ndjenja në një vaskë në shtëpinë e tij në Los Anxhelos të shtunën. Zyrtarët janë në pritje të rezultateve të analizave toksikologjike.
Ndërkohë familja e Perry tha: “Ne jemi zemërthyer nga humbja tragjike e djalit dhe vëllait tonë të dashur. Mattheë solli kaq shumë gëzim në botë, si aktor dhe mik. Ju të gjithë kishit shumë rëndësi për të dhe ne e vlerësojmë dashurinë tuaj të jashtëzakonshme.”
Selma Blair, Hank Azaria, Gëyneth Paltroë dhe kryeministri i Kanadasë, Justin Trudeau, ishin ndër të tjera që i bënë homazhe Perry-t pas vdekjes së tij.
