Presidenti Ilir Meta do të thërrasë mbledhjen e Këshillit të Sigurisë Kombëtare, pas tërmetit që la dhjetëra viktima, qindra të plagosur dhe dëme të konsiderueshme materiale.
Pas ngjarjeve të rënda në Durrës dhe Thumanë, Meta është pyetur vazhdimisht nga media nëse do të thërriste mbledhjen e Këshillit të Sigurisë Kombëtare.
Por kur kanë kaluar pak ditë nga ngjarja tragjike, përmes një njoftimi shprehet se ka vendosur të thërras mbledhjen e Këshillit të sigurisë Kombëtare
Prej ditësh, kreu i Shtetit ishte pyetur nëse do të mblidhte këtë Këshillë për të diskutuar mbi situatën e krijuar pas dëmeve të shumta në Durrës dhe Thumanë.
“Në përgjigje të interesimit të vazhdueshëm të mediave në lidhje me një mbledhje të mundshme të Këshillit të Sigurisë Kombëtare, ju sqaroj se: Presidenti i Republikës Sh.T.Z Ilir Meta ka vendosur të thërrasë nesër mbledhjen e Këshillit të Sigurisë Kombëtare, në orën më të përshtatshme, në varësi të situatës”, thotë zëdhënësi i Metës, Tedi Blushi./ Opinion.al
