Qeveria e Kosovës e kryesuar nga kreu i Lëvizjes Vetëvendosje, Albin Kurti, me shumë gjasa do të rrëzohet.
Ish-kryeministri i Kosovës, njëherësh kryetar i Aleancës për Ardhmërinë e Kosovës, Ramush Haradinaj, ka patur sot një takim me kreun e LDK-së Isa Mustafa ku i ka garantuar atij mbështetjen e AAK-së në mocionin e mosbesimit ndaj qeverisë.
“Është një situatë jo e lehtë, ne i dhamë përkrahjen LDK-së. Mbajtja pezull nuk është me dobi. Kemi qenë pro mocionit, do të kemi edhe takime tjera ditëve në vijim. Përkrahje do t’i japim .Nuk e di çka të them për Qeverinë teknike është herët të flasim. Opozita voton pro, qeveria Kurti e ka hequr taksën por e ka hequr në mënyrë më të keqe të mundshme
Kemi përcjellë me vëmendje s’besoj që Kosova ka pasë ndonjëherë Qeveri më konfliktuoze. Jemi në situatë të vështirë dhe është një lloj dezertimi i Kurtit, prej temave kryesore të vendit. E ka hequr taksën pa negociuar me Amerikën”, citohet të ketë thënë Harandinaj pas takimit, sipas Klan Kosovës.
Grupit Parlamentar të LDK-së, është mbledhur sot për të diskutuar rreth mocionit të mosbesimit për rrëzimin e Qeverisë Kurti si dhe për të mbledhur firmat e nevojshme.
Shakak i këtyre zhvillimeve u bë shkarkimi i paparalajmëruar i Agim Veliut të LDK-së nga detyra e Ministrit të Brendshëm nga Kryeministri Albin Kurti.
Ende është e paqartë se si do të vijojë situata në Kosovë duke marrë parasysh edhe situatën e krijuar nga koroanviusi.
Megjithëse AAK-ja dhe LDK kanë rënë dakord sot për rrëzimin e Kuritit ato janë të ndara përsa i përket tarifës ndaj mallrave serbe që është ceshtja kryesore sot në Kosovë. Kështu që një koalicion qeverisës nuk do të ishte i mundur. Po ashtu edhe zgjedhjet e reja në këtë periudhë do të ishin të vështira për tu mbajtur. /Opinion.al
