Kryeministri i Kosovës, Albin Kurti, akuzoi sot forcat paraushtarake serbe për orkestrimin e sulmit në veri të vendit.
Kurti implikoi në mënyrë specifike “Klanin e Novi Sadit”, për të cilin pretendoi se udhëhiqet nga ministri i Mbrojtjes i Serbisë, Millosh Vuçeviç.
Sakaq, sekretari shtetëror në ministrinë serbe të Mbrojtjes, Nemanja Staroviç , iu kundër-përgjigj akuzave të Kurtit duke thënë se janë tërësisht pa kuptim.
Deklarata e plotë:
Akuzat se Millosh Vuçeviç ka organizuar një formë “klani” ndërsa ka qenë kryetar i bashkisë së Novi Sadit, janë tërësisht pa kuptim. Sidoqoftë, këto akuza manifestojnë një mentalitet klani, tipik për ekstremistët shqiptarë në Kosovë. Është fakt se pas 1999, Kosova u udhëhoq nga Klani Drenica, Dukagjini dhe grupe të tjera kriminale të dala nga UÇK-ja terroriste, që ende kontrollojnë jetën politike dhe ekonomike atje. Thënë kjo, kur Kurti hedh të tilla akuza të paqena ndaj Vuçeviç, më shumë i projekton te vetja.
