Pas rreth 90 minutash, ka përfunduar biseda telefonike me presidentit Donald Trump dhe presidentit Vladimir Putin. Sipas mediave, në qendër të bisedës ishin territoret dhe termocentralet.
Shtëpia e Bardhë njoftoi se 2 presidentët nisën bashkëbisedimin në telefon rreth orës 15:00 (me orën në Shqipëri), duke theksuar se biseda kishte një rrjedhë pozitive.
Para telefonatës me Trump, në konferencën e Unionit Rus të Industrialistëve dhe Sipërmarrësve Putin kishte një ton kryesisht anti-Perëndimor. Gjatë fjalimit, ai deklaroi se “dominimi Perëndimor po zbehet”.
Presidenti Putin gjithashtu akuzoi Perëndimin për ushtrimin e një presioni të padrejtë ndaj Rusisë, veçanërisht përmes sanksioneve.
Reagimi i parë pas përfundimit të telefonatës erdhi nga i dërguari special i presidentit rus për investime dhe bashkëpunim ekonomik, Kirill Dmitriev, duke thënë se “nën udhëheqjen e Presidentit Putin dhe Presidentit Trump, bota është bërë sot një vend shumë më i sigurt!“.
