Presidenti i Republikës Ilir Meta ka pritur në takim Ambasadorin e Delegacionit të Bashkimit Europian në Tiranë, Luigi Soreca.
Takimi mes presidentit dhe ambasadorit vjen pas publikimit të raportit të progresit për Shqipërinë nga Komisioni Europian.
Soreca ka dorëzuar Metës progres raportin me rekomandimin pozitiv për Shqipërinë.
“Presidenti mirëpriti rekomandimin e përsëritur të KE që Shqipëria të çelë negociatat e anëtarësimit me Bashkimin Europian, me shpresën që ky rekomandim të marrë edhe miratimin e vendeve anëtare” thuhet në njoftimin e zyrës së shtypit te Presidencës.
Ndërkohë, Meta uroi gjithashtu për fitoren e forcave pro-europiane gjatë zgjedhjeve për Parlamentin Europian, duke shtuar se është inkurajim për vendet të cilat aspirojnë BE./ Opinion.al.
