Një 60-vjeçar është plagosur nga vëllai i tij në fshatin Kërkovë të Vlorës.
Mësohet se 55-vjeçari A. T., pas një konflikti për motive banale ka qëlluar më një vegël pune (shat) vëllain e tij H. T.
Ndërkohë, policia ka mbërritur në vendngjarje dhe ka shoqëruar 55-vjeçarin, i cili po merret në pyetje për të zbardhjen e plotë të rrethanat e konfliktit.
Njoftimi i policisë
Rreth orës 18:46, në fshatin Kërkovë Vlorë, pas një konflikti për motive të dobëta shtetasi A. T., rreth 55 vjeç ka plagosur me një vegël pune (shat) vëllain e tij H. T., 60 vjeç, i cili ndodhet në Spitalin e Vlorës në gjendje kritike për jetën.
Policia ka mbërritur menjëherë në vendin e ngjarjes dhe ka bërë shoqërimin e shtetasit A. T, për veprime të mëtejshme.
Grupi hetimor po kryen veprimet hetimore në lidhje me sqarimin e rrethanave të ngjarjes./ Opinion.al E.Xh.
