Prej dy vitesh këngëtarja Selena Gomez është vetëm dhe duket se do të qëndrojë pa partner deri sa të gjejë personin e duhur.
Gjatë një interviste për “Capital FM”, Gomez është shprehur se çfarë dëshiron tek një djalë si dhe situatën ku preferon të krijojë njohje të reja. “Më pëlqejnë situatat në grup. Ndihem më mirë nëse është dikush që e njoh nga dikush që njoh. Më pëlqen që dikush të arrijë tek unë në mënyrë natyrale. Dhe shpresoj që ai person të jetë vërtetë i interesuar për mua dhe jo për emrin tim. Kështu është shumë e vështirë, por zakonisht është mënyra më e mirë”,- ka thënë Selena gjatë intervistës.
Gjithashtu ajo ka theksuar se dëshiron që personi që do të ketë në krahë të jetë i sinqertë, me humor, jo arrogant, aventurier, por me këmbë në tokë dhe që nuk i pëlqen vëmendja e tepërt.
Lidhjet e fundit të Gomez nuk kanë qenë të suksesshme duke kujtuar problemet që pati pas ndarjes nga këngëtari Justin Bieber./Opinion.al/
