MacKenzie Bezos, ish gruaja e Jeff Bezos, krijuesit dhe pronarit të Amazon, u betua se do të dhurojë gjysmën e pasurisë për bamirësi, teksa firmosi “The Giving Pledge,” një iniciativë bamirësie e Warren Buffet dhe Bill Gates.
Kushdo që firmos në të zotohet të dhurojë gjysmën e pasurisë, ose më shumë për sa kohë është gjallë, ose në testamente.
“Dhuratat që mund t’i ofrojmë botës na bien në duar falë një serie rastësish dhe momentesh fatlume që s’do t’i kuptojmë kurrë tërësisht Përveç aseteve që më ka dhuruar jeta, kam një sasi të tepërt parash për të ndarë me të tjerët. Impenjimi im në filantropi do të mbetet i matur. Do të më duhet kohë, pëpjekje dhe kujdes. Por s’kam ndërmend të pres. Do të dhuroj deri kur të zbrazet kasaforta.” tha në një deklaratë MacKenzie Bezos, e cila finalizoi divorcin më të kushtueshëm në histori në muajin prill dhe përfitoi mbi 35 miliardë dollarë.
Ish bashkëshorti i saj ka rreth 114 miliardë dollarë pasuri dhe është njeriu më i pasur në botë, ndërsa sipas përllogaritjeve të “Bloomberg”, MacKenzie është gruaja e 4-rt më e pasur në botë, ndërsa për “Forbes” renditet e treta pas trashëgimtares së l’Oreal, Francoise Bettencourt dhe Alice Walton, vajza e themeluesit të Walmart./Opinion.al
