Pa kaluar 24 orë nga Tsunami, Indonezia është goditur nga një tërmet. Lëkundjet mendohet të jenë të 5.0 ballë të shkallës rihter, raporton rrjeti televiziv kinez CGTN.
Ende nuk dihet nëse ka të lënduar apo dëme. Indonezia është e vendosur në tre pllaka tektonike, gjë që e bën atë të prirur ndaj katastrofave natyrore siç janë tërmetet tsunami, përmbytjet, rrëshqitjet e tokës dhe shpërthimet vullkanike.
Një tërmet me magnitudë 5.0 konsiderohet të jetë i moderuar dhe ka më shumë gjasa të shkaktojë dëmtime të lehta për ndërtesat dhe strukturat e tjera.
Sot u konfirmua se numri i të vdekurve të vendit kishte arritur në 222 pasi një tsunami goditi bregdetin e Sumatrës jugore më 22 dhjetor, në orën lokale 21:30.
