Presidenti Vladimir Putin ka rënë dakord të ndalojë sulmet në infrastrukturën energjetike të Ukrainës, raportojnë mediat shtetërore ruse.
Mediat thonë se Putin ka urdhëruar ushtrinë që të ndalojë sulmet në ato objektiva për 30 ditë, pas bisedimeve me Donald Trump.
Ne kemi qenë në pritje të një deklarate nga Kremlini dhe Shtëpia e Bardhë pas telefonatës së Donald Trump dhe Vladimir Putin.
Moska thotë se Putin dhe Trump shprehën interes të ndërsjellë për “normalizimin e marrëdhënieve” midis SHBA-së dhe Rusisë, ndërsa u ra dakord gjithashtu për një shkëmbim të burgosurish midis Moskës dhe Kievit, për 175 të burgosur lufte (nga secila palë).
Moska gjithashtu pranoi të dorëzojë 23 ushtarë ukrainas të plagosur rëndë.
