Pas 5 ditësh kërkime të pandërprera, polumbarët e Repartit Special RENEA kanë gjetur në ujërat e lumit Shkumbin, trupin e 46-vjeçarit që e mori rrjedha aksidentalisht, teksa kalonte lumin.
Më 22 qershor dyshohet se shtetasin B. P., 46 vjeç, e kishte marrë rrjedha e ujit, teksa kishte qenë duke kaluar në anën tjetër të lumit Shkumbin, pasi kishte punuar një sipërfaqe toke.
Trupi i 46-vjeçarit u gjet si rezultat i kërkimeve të pandërprera 5-ditore, në ujërat e lumit Shkumbin, konkretisht në fshatin Papër.
Trupi i pajetë u dërgua në morg, për kryerjen e ekspertizës së mëtejshme./Opinion.al
