Gola dhe spektakël, kjo është fjala që mund të përkufizojë derbin e sotëm të fituar nga skuadra e Partizanit mbrëmjen e sotme me shifrat 2-1. Ndeshja e lujtur në “Selman Stërmasi” ka qenë një “shoë” më vete në fushën e lojës, teksa të dyja skuadrat dhanë maksimumin e tyre për të nxjerrë një ndeshje fantastike, ndryshe nga ato të dy fazave të para.
Megjithatë, ishte Partizani ai që doli i fituar nga ky derbi i mrekullueshëm, ku falë golave të Malotës në minutën e 13′ dhe Ekuban në të 70′-ën morën tre pikët që e rikthejnë sërish në vallen për titullin kampion. Ndeshja filloi menjëherë me gol, ku mbrojtëis Malota ktheu në gol një harkim të Trashit pas një goditje dënimi fare pranë zonës. Me rezultatin 1-0 do të mbyllej pjesa e parë, ndërkohë që e dyta od të rifillonte po ashtu me gol.
Është një tjetër mbrojtës si Olsi Teqja, i cili në minutën e 47′ do të barazonte shifrat pas një dalje të gabuar të portierit Hoxha në zhvillimet e një goditje këndi. Mbrojtësi tregohet i saktë dhe me porttën e boshatisur nuk e ka të vështirë ta dërgojë topin në rrjetë.
1-1 dhe u duk se çdo gjë rifilloi nga e para, por gjërat u rikthyen shumë shpejt në favor të Partizanit. Në minutën e 70′ është i zakonshmi Kaleb Ekuban që shfrytëzon në maksimum një ras të krijuar duke shënuar sërish për Partizanin që tashmë kryeson me shifrat 2-1.
Ky gol vulosi edhe fatin e ndeshjes, teksa m këtë fitore skuadra e drejtuar nga Sulejman Starova shkon në -4 pikë nga Kukësi i vendit të parë, ndërsa Tirana e Josës mbetet në vendin e pestë me 27 pikë.
