Nga bujqësia tek hashashi dhe me tutje tek dekorimi i ballistëve ka përparuar debati i sotëm në Parlament. Kreu i grupit të PD-së Paloka dhe deputeti Ridvan Bode kanë replikuar me Kryeministrin Edi Rama. Më poshtë batutat mes tyre
Rama-Bodes: Mirë që s’bëtë asgjë për të krijuar tregun e tokës, mirë që i latë fermerët në mëshirën, mire që nuk lëvizët as gishtin që t’i çonit ujin në parcela dhe nxorët jashtë perdorimit mijëra hektare për shkak të mungesës së ujit, por vini këtu dhe kërkoni llogari. Dua ta rinënvizoj se këtu s’mund të flisni sikur keni ardhur nga hëna, por nuk duhet të harroni se jeni shkatërruesit e shtetit dhe shkatërruesit në çdo sektor.
Sa për kanabisin mos u shqetëso sepse nuk është sic thua ti. Referoju shifrave të eksporteve dhe do të shohësh se janë më të lartat ndonjëherë dhe janë produkte që tregtohen jashtë dhe s’kanë lidhje me kanabisin.
Paloka: Ajo çfarë është e rëndësishme me kanabisin, është e vërtetë janë rritur eksporetet më shumë se kurdoherë tjetër nga prodhimet bujqësore, është rritur eksporti i kanabist. Në 2 javë 20 ton kanabis të eksportuar, jo të trafikuar. Ky është realiteti i bujqësisë.
Rama: E para e punës unë jam me partizanin, nuk jam me Ballin Kombëtar. Në emër të ballit numëroni sa pula janë shqyer. E keni trajtuar shtetin si një pulë, qe e keni shqyer. Jeni pasardhësit e Ballit Kombetar. Keni të drejtë ti dekoroni sepse jeni njësoj si ata. E dyta kur shkoni te varrezat e dëshmorëve dhe përkuleni, te partizanët shkoni përkuleni, me Saliun në krye, sepse nuk keni rrugë tjetër.
Kthehemi tek bujqësia. Të gjithë ata që jetojnë në fshat janë më të mençuar sesa i kujtoni ju. Mencuria e tyre është më tepër e mjaftueshme për tju parë ju si vcirkun për të argëtuar kooperativën. Jeni një cirk që argëtoni njërzit në fshat, kur thoni ju është rritur taksa.
Paloka: Edhe Mehmet Shehu vetë, për aktin që kreu, kërkoi ndjesë, e quajti gabim. Ky zotëria na thotë se jemi pasardhës. Ti je rritur në hijen e atyre monumenteve, por kjo nuk është për t’u mburrur. E kam fjalin për aktet që 䒢rmoste yt atë për pushkatimin e poetëve.
