TIRANE- Shkarpat dhe fidanet 500 lekësh që mbjell Erion Veliaj lart e poshtë nuk i mbulojnë dot pallatet që do ndërtohen tek Garda e në anë të Universitetit. Kështu u shpreh sot deputeti i PD, Gerti Bogdani.
“Po përdoret ku i ashtuquajturi “kënd lojerash” si kale troje për të hedh beton ne zemër të Parkut të Liqenit”, vijoi ai.
Sakaq PD i kërkon prokurorisë të veproje për denoncimet e njëpasnjëshme që janë bërë për këtë cështje nga PD dhe nga qytetarët.
“I bëjmë thirrje cdo institucioni përgjegjës që të mos bëhet pale në këtë mashtrim antiligjor dhe shkeje flagrante ligji nga të gjitha anët!
Rezistenca dhe beteja e qytetarëve të Tiranës për Parkun e tyre do të jetë edhe më e fortë dhe më e vendosur.
Duke nisur sot, pas pak orësh, në orën 11:00 ku do të bashkohemi për të mbrojtur mushkërinë e qytetit, për të mbrojtur pasurinë e qytetarëve”, tha më tej deputeti i PD. /Opinion.al
