A pastrohen paratë e pista në ndërtimet e Tiranës? Erion Veliaj thotë se institucioni që ai drejton prej kohësh bashkëpunon me prokurorinë dhe agjencitë e tjera ligjzbatuese.
“Të paktën kullat e mëdha, apo ndërtesat ikonike ne kemi bashkëpunim me prokurorinë dhe agjencinë e pastrimit të parave”, tha Veliaj.
“Unë jam pro ndërtimeve cilësore në lartësi. Pse? Se sot ne nuk kemi një metro në Tiranë që t’i bëjmë kullat në Paskuqan dhe në Kamëz, apo t’i bëjmë në Krrabë dhe Maqellarë, apo në Ndroq dhe t’i sjellim njerëzit me metro. Të gjitha qytetet moderne sot në botë kanë atë të quhet “Doën Toën”, pra një qytet në qendër. Më përpara nuk kishim plan urbanistik, dhe gjithmonë më nxirrni jashtë konteksti kur më thoni ke thënë kështu. Jo, shihe të plotë, se kam thënë për sa kohë Tirana nuk ka asnjë plan urbanistik. Por kur morëm arkitektin, sot ndër më të mirët në botë, Stefano Boerin, bëmë një plan urbanistik, edhe për pyllin orbital, edhe për koeficinetet që ti s’mund të ndërtosh 100, do ndërtosh 45. Do të lëmë të shkosh lart, por do na lirosh pjesën e tokës ku do bëjmë një shkollë, një kopsht, një çerdhe. Se ndonjëherë ne harrojmë që në Tiranë, shkolla “Kosova” ishte nisur për kullë nga këta që bërtasin për kullat. Sot u bë shkollë. Pra ne dimë t’i dallojmë. Ke një rast kur Lulzim Basha duke ikur nga Bashkia dha gjithë kullat te diga. Dhe isha tek pull. Gabim, pra. Po gjithë këta dashnorët e hapësirave publike jo vetëm që nuk erdhën në gjykatë, por asnjë nuk u përfshi. Pse? Sepse të gjithë ishin pjesë e asaj afere. Pra të gjithë këta, që ju dhemb me demek natyra, kur u bënë ato të diga nuk u interesonte. Të gjithë kemi qenë jashtë Blendi. Dhe “Down Town-i”, është vendi ku janë hotelet, ku janë bankat”, tha më tej Veliaj.
Sa i përket sipërfaqeve të gjelbërta, Veliaj tha se ato do të zgjerohen. I pyetur nga drejtuesi i emisionit për mbjelljen e pemëve ai tha se askush nuk duhet të ketë frikë, pasi mbjellja e pemëve është krenari.
“Në Tiranë ka cdo ditë mbi 40-50 raste që mbjellin, unë shkoj aty ku duhet të inkurajoj, vetëm i dhëntë zoti dëshirë të mbjelli”./Opinion.al
