Moti sot parashikohet të jetë i vranët dhe me intervale të shkurtra kthjellimesh që do të dominojnë në vend. Më të dendura vranësirat do të paraqiten në zonat verilindore dhe juglindore duke rrezikuar reshje të izoluara dëbore.
Sipas Meteoalb, përsa i përket pasdites dhe orëve të mbrëmjeve ato do të dominohen dhe alternohen nga kthjellime dhe vranësirash të shpeshta sidomos në Ultësirën Perëndimore por vranësirat do të mbeten më të dukshme në juglindje.
Temperaturat e ajrit do të rriten lehtë në vlerat e mëngjesit por pritet rënie në orët e mesditës duke bërë që vlerat ditore të luhaten nga -4°C deri në 13°C. Era do të fryjë kryesisht mesatare deri e fortë në det, me shpejtësi 40 km/h nga drejtimi Verilindor duke krijuar në det dallgëzim 4 ballë.
