Gadishulli i Ballkanit po ndikohet nga një qendër me presion të ulët atmofserik me qëndër kryesore të pozicionuar në detin Mesdhe e cila ka sjellë rreshje shiu intensive në vendin tonë dhe Kosovë.
E Hënë 26 Nëntor 2018
Fillimi i javës dt 26 Nëntor 2018 i gjithë do të përfshihet nga rreshje shiu pjesërisht dhe rrebeshe me shkarkesa elektrike në zonën perëndimore. Era do të jetë me drejtim Jugperëndim (SW) me shpejtësi 10-20 m/sek në bregdet. Valëzimi do të jetë i forcës 5 me lartësi vale 1,5 deri në 2,5 metër në det të hapur.
Temperaturat min dhe max:
Zonat malore 5/13°C
Zonat e ulëta 9/18°C
Zonat bregdetare 12/20°C
Kosova për ditën e Hënë 26 Nëntor moti do të jetë me vranësira të dendura dhe rreshje të shiu. Temperaturat në mesditë do të regjistrojnë vlera nga 12°C deri në 15°C vlera më e lartë.
Dita e Martë, 27 Nëntor 2018 moti do të vijojë i paqendrueshëm, me rreshje shiu pjesërisht dhe rrebeshe me shkarkesa elektrike në zonën e Ultësirës perëndimore. Era do të jetë me drejtim Jugperëndim (SW) me shpejtësi 10-25 m/sek në bregdet. Valëzimi do të jetë i forcës 6 me lartësi vale 2,0 deri në 2,5 metër në det të hapur. Temperaturat do të jenë pa ndryshime.
Temperaturat min dhe max:
Zonat malore 6/13°C
Zonat e ulëta 12/18°C
Zonat bregdetare 13/20°C
Meteorologe: Rezarta Xhakollari
