Ditën e sotme vendi ynë, që në orët e para të mëngjesit, do të dominohet nga alternime, kthjellime dhe dhe vranësirash të shpeshta, të cilat herë pas here do të gjenerojnë reshje shiu e dëbore.
Më të dukshme reshjet do të paraqiten në zonat veriore dhe pjesërisht në qendër.
Sipas Meteoalb, në zonat malore përgjatë shtrirjes lindore, do të ketë reshje të pakta dhe të izoluara dëbore. Parashikohet që orët e pasdites dhe mbrëmjes, të sjellin përmirësim të theksuar të situatës atmosferike në të gjithë territorin e vendit.
Temperaturat e ajrit do të pësojnë sërish rënie si në orët e mëngjesit edhe të mesditës, duke luhatur vlerat ditore nga -3°C vlera më e ulët deri në 16°C vlera më e lartë në rang territori.
Era do të fryjë e fortë si në tokë dhe në det, duke arritur shpejtësinë maksimale deri në 60 km/h nga drejtimi verilindor, duke sjellë në brigjet detare dallgë deri në 6 ballë.
