Kronikë

Parandalohet vrasja, policia arreston në flagrancë dy autorët


Bëhu pjesë e Grupit Zyrtar të Opinion.al
>> KËTU <<
               Publikuar në : 12:34 - 31/03/19 |
b.f

Policia ka finalizuar operacionin “Porosia”, ku është shmangur tentativa për vrasjen e një personi dhe grabitjen e makinës së tij. Efektivët e policisë së Lezhës kanë marrë mbrëmjen e 30 marsit informacion për ngjarjen e rëndë kriminale në fshatin Rrilë, duke ndërhyrë menjëherë dhe duke arrestuar në flagrancë dy autorët e dyshuar, S.H., 18 vjeç banues në Elbasan dhe M.K., 43 vjeç banues në Shënkoll.

“Shtetasi  S.H, i porositur nga shtetasi M.K,  më datë  30.03.2019, gjatë orëve të vona të natës  do të qëllonte me armë zjarri në drejtim të  një shtetasi me banim në fshatin Rrile të bashkisë Lezhë dhe më pas do t’i merrte automjetin në oborrin e banesës së tij për t’u larguar”, njofton policia.

Si prova materiale janë sekuestruar një kallashnikov, një karikator me 30 fishekë, një çantë me ngjyrë të zezë ku brenda saj kishte 45 fishekë model 56, një kapuç me ngjyrë të zezë dhe dy celularë.

“Materialet procedurale   do t’i kalojnë Prokurorisë së Rrethit Gjyqësor  Lezhë, për veprën  penale  “Vrasje me paramendim në bashkëpunim  e mbetur në tentaivë”,  në ngarkim të shtetasit   M. K., ndërsa  “Vrasje me paramendim në bashkëpunim e mebetur në tentativë”, “Mbajtja pa leje dhe prodhimi i armëve”,  në ngarkim  të shtetasit S. H.”, sqaron policia./Opinion.al

Pas