Njw ngjarje e rwndw e cila mund tw pwrshkallwzohej nw njw situatw tw tw paparashikueshme wshtw ndaluar nga Policia e Dibrws gjatw mbrwmjes sw djeshme. Konflikti ka ndodhur midis dy tw rinjve ku mw pas u përfshinë edhe familjarët e tyre. Motivet e ngjarjes mwsohet se janw banale dhe ngjarja ka ndodhur nw lokal nw qendër të njësisë administrative Sllovë, Dibër.
Ku si pasojw e konfliktit fizik wshtw dëmtuar me mjete të forta njëri nga dy të rinjtë që u konfliktuan. Dëmtim i cili erdhi nga vëllai i protagonistit tjetër të konfliktit.
NGJARJA
Më datën 21.01.2017, në një lokal në qendër të njësisë Adminisrative Sllovë Dibër, shtetasit V.B dhe E.Ç, pasi kanë konsumuar alkool me njëri-tjetrin, kanë nisur të konfliktohen fizikisht mes tyre.
Pasi janë larguar nga lokali dhe janë nisur për në drejtim të fshatit Trojak janë konfliktuar përsëri fizikisht me njëri tjetrin dhe të dy kanë njoftuar familjarët e tyre. Në konflikt janë përfshirë dy vëllezërit e shtetasit V.B, si dhe babai e vëllai i shtetasit E.Ç.
Gjatë konfliktit fizik shtetasi M. Çera 59 vjeç, babai i shtetasit E.Ç, ka plagosur me thikë shtetasin B.B, 26 vjeç, vëllain e shtetasit V.B.
Gjithashtu si pasojë e konfliktit fizik, është dëmtuar me sende të forta njëri nga protagonistët e konfliktit shtetasi E.Ç, 29 vjeç, i cili është dëmtuar nga shtetasi H.B, 24 vjeç, vëllai i protagonistit tjetër të konfliktit, shtetasit V.B, 27 vjeç.
Policia me të marrë njoftim ka ndërhyrë në kohë duke parandaluar përshkallëzimin e mëtejshëm të këtij konflikti, ku dhe ka bërë shoqërimin e palëve në ambjentet e Komisariatit të Policisë Dibër.
Në përfundim të veprimeve të para të kryera nga Specialistët për Hetimin e Krimit në Komisariatin e Policisë Dibër u bë arrestimi në flagrancë për veprën penale të “Plagosjes së lehtë me dashje”, të parashikuar nga neni 89 i Kodit Penal i shtetasit: M. Çera, 59 vjeç, lindur dhe banues në fshatin Trojak Sllovë Dibër
Gjithashtu u referuan materialet në gjendje të lirë për veprën penale ”Dëmtime të tjera me dashje”, parashikuar nga neni 90 i Kodit Penal për shtetasin: H. B, 24 vjeç, lindur e banues në fshatin Trojak SllovëDibër.
