Prokuroria e Krimeve të Rënda ka gati sekuestron e pronave, aseteve të kompanive të ndryshme ndërtuese, si dhe llogaritë bankare të të arrestuarve të operacionit te koduar “Ballkan”.
Sipas burimeve, vlera e këtyre aseteve të dyshimta, për të cilat shihet si burim trafiku i drogës, arrin në 10
milionë euro. Burime nga organi i akuzës pohojnë se nga sekuestrimi, do të shpëtojnë vetëm ato apartamente
që janë blerë nga qytetarë të ndryshëm dhe që disponojnë një kontratë premtimi apo blerje.
Sakaq këtë të premte, Gjykata e Krimeve të Rënda caktoi masën “arrest me burg” për 7 të arrestuarit, me dyshimin se janë pjesë e një rrjeti të fuqishëm të trafikut të drogës. Të pandehurit akuzohen për veprën penale “trafik të lëndëve narkotike” në kuadër të grupit të strukturuar kriminal.
Avokatët e tre biznesmenëve, Jurgen Molla, Shyqyri Kotorri dhe Anesti Koromani kanë kundërshtuar akuzat,
duke pretenduar se mes tyre kishte vetëm marrëdhënie biznesi dhe nuk janë të përfshirë në trafik droge.
Sipas dosjes së prokurorisë, gjithçka ka nisur në mars 2015 kur policia e Kosovës ka njoftuar autoritet shqiptare
se po përgatitej trafikimi i 15 kg heroinë nga Kosova në Shqipëri, duke bërë që të nisin hetime të menjëhershme
që u finalizuan në qershor të 2015ës, ku në pikën e kalimit kufitar të Morinit në Kukës u arrestua Arben Prendi me 15 kg heroinë.
Sipas prokurorisë, nga hetimi i këtij rrjeti, që prej vitit 2015 janë identifikuar tre episode të trafikut të drogës, në
të cilin krerët e organizatës pasi kanë kryer takime për ngarkesat e heroinës dhe hashashit kanë dërguar si
garanci me njerëz të besuar edhe shuma të konsiderueshme prej 230 mijë eurosh.
Mësohet se Jurgen Molla është bashkëpronar në firmën e ndërtimit “MOLLA shpk”, nën emrin e së cilës është
ndërtuar një kompleks pallatesh në zonën midis Yzberishtit dhe Kasharit. Ai ka pasur në përdorim vazhdimisht mjete luksoze si automjetet tip fuoristradë “Porche Cayen”, tip “Audi A6”, BMW X6 etj.
Dyshohet se në bashkëpunim me shtetas të tjerë janë marrë me kontrabandë nafte dhe trafik mjetesh motorike
gjatë viteve të embargos së naftës ndaj ishFederatës Jugosllave në bashkëpunim me shtetas të tjerë.
Pas vitit 2002, Jurgen Molla, kanë marrë ekskluzivitetin e tregtimit të CocaColës dhe birrës “Tirana” për rrethin
e Lezhës, magazinat e të cilave i kanë në aksin rrugor LezhëShëngjin, në vendin e quajtur “Sakë”.
Rreth vitit 2009 kanë filluar të merren me ndërtimin e pallateve, fillimisht në qytetin e Lezhës.Pas vitit 2010,
vëllezërit Molla janë shpërngulur në Tiranë, ku kanë filluar ndërtimin e një blloku pallatesh në zonën e Kasharit.
Sipas burimeve, dyshohet se kanë investuar në fushën e ndërtimeve mbi 10 milionë euro.
Ndërkohë shtetasi Anest Koromani dyshohet se ka investuar para në pallatet që ndërton firma “Molla” sh.p.k.
