Bota

Papa Françesku: Veç vaksinës për COVID, na duhet një vaksinë për zemrën


Bëhu pjesë e Grupit Zyrtar të Opinion.al
>> KËTU <<
               Publikuar në : 19:33 - 01/01/21 |
Opi Nion

Papa Françesku u rishfaq këtë të premten pas shmangies së dy shërbesave të rëndësishme fetare me rastin e Vitit të Ri për shkak të dhimbjeve kronike të nervit shiatik.

Ashtu si edhe në meshën e Krishtlindjes, mesazhin e Vitit të Ri Papa e dha në sallën e madhe të bibliotekës së Vatikanit. Ndalimi i grumbullimeve, si pjesë e masave kundër përhapjes së koronavirusit e la sheshin e Shën Pjetrit të boshatisur dhe të rrethuar me barrierat e vendosura nga policia.

Ati i Shenjtë gjatë fjalës së tij bëri thirrje për paqe dhe durim në përballimin e pandemisë, ndërsa theksoi se përveç kurës dhe vaksinës kundër COVID-19, duhet të mendojmë edhe për një kurë për zemrën dhe kjo sipas tij është përkujdesja për të tjerët.

“Këtë vit, teksa shpresojmë në një ringjallje dhe në kura të reja, nuk duhet të lëmë pas dore përkujdesjen. Sepse, veç vaksinës për trupin, na duhet një tjetër vaksinë për zemrën: ajo është përkujdesja. Do të jetë një vit i mbarë nëse do të përkujdesemi për të tjerët. Ngjarjet e dhimbshme që shënjuan udhëtimin njerëzor vitin e shkuar, kryesisht pandemia, na mësuan se sa e nevojshme është që ne të interesohemi edhe për problemet e të tjerëve dhe të ndajmë me ta çdo shqetësim”.

Papa shprehu një lutje edhe për fundin e konflikit të përgjakshëm në Jemen.

“Shpreh dhimbjen dhe shqetësimin tim për përshkallëzimin e dhunës në Jemen, që ka shkaktuar viktima të pafajshme. Lutem në gjetjen e një zgjidhjeje për rikthimin e paqes për popullin e goditur rëndë. Motra dhe vëllezër, le të mendojmë për fëmijët në Jemen, që po rriten pa edukim, pa mjekim e të uritur. Për të gjithë ju, urimet e mia për paqe dhe qetësi në këtë vit të ri”./Opinion.al

 

Pas