Papa Françesku i është drejtuar me anë të një letre të gjithë klerikëve të Kishës katolike, ku ka deklaruar se ata duhet t’i përmbahen politikës “zero tolerancë”, për çdo prift që abuzon seksualisht me fëmijët.
Papa është lutur për falje, për një “mëkat që na turpëron të gjithëve”.
Letra është publikuar ditën e sotme nga Vatikani, por ajo është dërguar me datë 28 dhjetor, Para Françesku, shkruan: “Do të doja që ne ta ripërtërijmë përkushtimin tonë të plotë për t’u siguruar se këto barbarizma nuk do të zënë vend në mesin tonë”.
Që nga 2013-ta, vit kur ai u zgjodh në krye të Kishës, Papa ka bërë disa përpjekje për të zhdukur abuzimin seksual në Kishë dhe për të vendosur praktika që mbrojnë fëmijët.
Ndërsa, grupet për mbrojtjen e viktimave të abuzimit seksual të fëmijëve, kanë bërë me dije, se Papa nuk ka bërë gjithçka për t’i mbrojtur ata, e veçanërisht, të ketë luajtur një rol kyç në dënimin e gjithë atyre klerikëve që janë akuzuar për abuzime seksuale ndaj fëmijëve.
“Kisha i njeh mëkatet e disa anëtarëve të vet: vuajtjet, përjetimet dhe dhimbjet e të miturve të cilët janë abuzuar seksualisht nga priftërinjtë. Është një mëkat që na turpëron neve,” nënvizohet në letër.
